नेपाल रेडक्रस सोसाइटी, कास्की जिल्ला शाखाको आयोजनामा र नेपाल युवा रेडक्रस सर्कल, श्री अमरसिद्ध नमुना मावि, पोखरा-३१ को व्यवस्थापनमा २०८१ माघ ११ र १२ गते दुईदिने पोखरा महानगरस्तरीय विद्यालय प्राथमिक उपचार प्रशिक्षण कार्यक्रम सफलतापूर्वक सम्पन्न भएको छ।

कार्यक्रममा २४ जना विद्यार्थीहरूको उत्साहजनक सहभागिता रहेको थियो। उक्त प्रशिक्षणले प्राथमिक उपचारसम्बन्धी ज्ञान र सीप प्रदान गर्दै विद्यार्थीहरूलाई आपतकालीन परिस्थितिमा प्रभावकारी सहयोग पुर्‍याउन सक्षम बनाउने उद्देश्य राखेको थियो।

नेपाल रेडक्रस सोसाइटीका सभापति डन्डराज शर्माको प्रमुख आतिथ्यमा उद्घाटन भएको उक्त कार्यक्रमको समापन नेपाल रेडक्रस सोसाइटीका कोषाध्यक्ष सन्तोष अधिकारीले गर्नुभएको थियो।

कार्यक्रमको व्यवस्थापनमा सहयोग पुर्‍याउने विद्यालय परिवार र प्रशिक्षकहरूको योगदानका लागि नेपाल रेडक्रस सोसाइटी हार्दिक धन्यवाद व्यक्त गर्दछ ।